60c0e148-d40d-41a2-8f3f-f5d5f188a8fe copy.jpg

Barsati (feminine noun)

Barishon ke mausam mein aaya woh jahaaz

Kantrakiyon ko leke Suriname des
Man mein lekar kayi ashayen aur vishwas

Badalna padaa halaten dekh-kar bhes

Maine apna naam tak badla, bani "Barsatie" Par yeh bhi soch liya, lawungi bahaar

Tthaan liya maine ke, zindagi acchi khasi Karungi apni,

aur bhar dungi isme pyaar

Mausam badle, badle insanon ke rang

Ret par meri boondon ki khushbu na badli

Meri hasti na badli, badle mere sang Kabhi main thami, toh kabhi khoob barsi

Main ek aurat hoon, hai yeh Kainaat meri

Waada hai yeh mera, rakhungi ise sanwaare

Jaise har boond banke main barsoongi

Har paudhe ko seench rakhungi sajaye

Main ek aurat hoon, ek maa, ek behen ek biwi

Main woh barsaat fasal ko degi jo sahara

Main hamesha se thi, aur rahungi seedhi

Mujhse koi dhokha na hoga ganwara

Mujhpe rakhna hamesha bharosa main mausam ki terah nahin badlungi

Mujhe jab bhi kisi ne roka
Main toofaan banke barsoongi

Barsati - a poem by Manoj Daryanani

 

Thanks to:

S.M. Soechit (spice man)

Hoesnebanoe Janmohamed-Abdoelrahman (dressmaker)